محمد عبد المطلب جاد
15-03-2009, 03:18 AM
مين اللى ما عنده احتياج ؟
الله على العقل اما يبقى جوهره
والحرف يبقى سكره
والحكمه تتبلور وسر الخلق يبقى
فى معانى مقطره
وتبقى البصيره موش البصر
فى الدنيا تلقط ماترى .
**
مالكم بنا
مهما عملنا موش هنسلم منكم
مين م البشر كامل عشان
ما يبقى فيه عيب عندكم؟
بتقولوا دا موش حب دا
شفقه وتعاطف زاد شويه عنكم .
بتقولوا موش هقدر أواجه
مشكلات دنيا معاه
أيه بس ممكن بيه نواجه
الصعب غير عون الإله ؟
يعنى السليم قدر يشيل
أيه من بلاويه فى الحياه ؟
بتقولوا إن الواجبات
مهوش هيبقى أدها
والمسئوليات فوق كفاءته
العجز فيه هيردها
انتم لا شوفتوا أد أيه قلبه كبير
ولا شوفتوا عطف فى لمسته زى الحرير
ولا شوفتوا فيض حنيته
ولا شوفتوا صدق محبته
ولا شوفتوا فيه لمحة ذكاء
بِتْشِع ماليه دنيته
ولا شوفتوا فى قلبه الدفا
ولا وداعته ف همسته
أيه يعنى ما بينطقش
ما بيسمعش ما عندوش كلام
هيه المحبه فى الكلام ولا دفا حب وهيام
يكفينى منه علمه بس
وفيض عطاؤه والانسجام
**
يا ناس كفايه تصنفوا فى نوع البشر
اللى غنى واللى فقير
اللى سليم واللى انكسر
جهلا وعلما ، صحيح سقيم
وجميل ، قبيح
واللى اغتنى واللى افتقر
مين مننا كامل مهوش
محتاج لشىء مهما كَبَرْ؟
مين مننا ملهوش حاجات
ناقصه وعشانها بيتعذر؟
مين مننا خالى ومفيش
جواه كسور وبينجبر؟
مين نام مهوش محتاج
وبينادى على رب البشر ؟.
يا محتاجين العطف رُدُّوا
يا محتاجين للصدق قولوا
يا محتاجين صاحب أمين
يا سهرانين الليل بطوله
يا قلب عطشان للحنان
يا نفس م الغدر ف نيران
يا روح من التوهه ف طوفان
يا عين بتسأل ع الأمان
ناقصين كتير
يمكن غفير
ويكون فى نعمة ربنا
متهنى عن سيده الأمير
أنا لو أخدت برأيكم هحتار كتير
وهعيش حياتى فى سجنكم زى الأسير
أنا بس أرْضِى ربنا وأرضى نفسى
وابقى عصفور فى السما وم الفرحه اطير
وانتم افضلوا فى سجنكم والقيد عسير
**
* من وحى ما كتبت الملهمة حنان صالح عن ذوى الاحتياجات
د. محمد جاد
الله على العقل اما يبقى جوهره
والحرف يبقى سكره
والحكمه تتبلور وسر الخلق يبقى
فى معانى مقطره
وتبقى البصيره موش البصر
فى الدنيا تلقط ماترى .
**
مالكم بنا
مهما عملنا موش هنسلم منكم
مين م البشر كامل عشان
ما يبقى فيه عيب عندكم؟
بتقولوا دا موش حب دا
شفقه وتعاطف زاد شويه عنكم .
بتقولوا موش هقدر أواجه
مشكلات دنيا معاه
أيه بس ممكن بيه نواجه
الصعب غير عون الإله ؟
يعنى السليم قدر يشيل
أيه من بلاويه فى الحياه ؟
بتقولوا إن الواجبات
مهوش هيبقى أدها
والمسئوليات فوق كفاءته
العجز فيه هيردها
انتم لا شوفتوا أد أيه قلبه كبير
ولا شوفتوا عطف فى لمسته زى الحرير
ولا شوفتوا فيض حنيته
ولا شوفتوا صدق محبته
ولا شوفتوا فيه لمحة ذكاء
بِتْشِع ماليه دنيته
ولا شوفتوا فى قلبه الدفا
ولا وداعته ف همسته
أيه يعنى ما بينطقش
ما بيسمعش ما عندوش كلام
هيه المحبه فى الكلام ولا دفا حب وهيام
يكفينى منه علمه بس
وفيض عطاؤه والانسجام
**
يا ناس كفايه تصنفوا فى نوع البشر
اللى غنى واللى فقير
اللى سليم واللى انكسر
جهلا وعلما ، صحيح سقيم
وجميل ، قبيح
واللى اغتنى واللى افتقر
مين مننا كامل مهوش
محتاج لشىء مهما كَبَرْ؟
مين مننا ملهوش حاجات
ناقصه وعشانها بيتعذر؟
مين مننا خالى ومفيش
جواه كسور وبينجبر؟
مين نام مهوش محتاج
وبينادى على رب البشر ؟.
يا محتاجين العطف رُدُّوا
يا محتاجين للصدق قولوا
يا محتاجين صاحب أمين
يا سهرانين الليل بطوله
يا قلب عطشان للحنان
يا نفس م الغدر ف نيران
يا روح من التوهه ف طوفان
يا عين بتسأل ع الأمان
ناقصين كتير
يمكن غفير
ويكون فى نعمة ربنا
متهنى عن سيده الأمير
أنا لو أخدت برأيكم هحتار كتير
وهعيش حياتى فى سجنكم زى الأسير
أنا بس أرْضِى ربنا وأرضى نفسى
وابقى عصفور فى السما وم الفرحه اطير
وانتم افضلوا فى سجنكم والقيد عسير
**
* من وحى ما كتبت الملهمة حنان صالح عن ذوى الاحتياجات
د. محمد جاد